START BAND SONGS MEDIEN KONTAKT LINKS

Der Quetschenbüggel

Ich jing met mingem Vatter
Spazeere off jenooch
Kein Arbeid do, et Jeld wor knapp
Mer hätte vill jebruch

Doch do, der kleine Laade
Ne Trödler op der Eck
Do stundte mer off stundelang
Der Bleck op eine Fleck

Ich woß jenau, dä Quetschenbüggel
Dat wor singe Draum
Met Trone en de Aure
Soh hä us wie ne draurije Clown

Hä hätt se jän jehat – die Quetsch
Einmal spille drop, ach dat wör nit schlääch
Hä hätt alles doför jejovve, sujar et letzte Hemb
Hä stund do vör dem Finster wie e Kind

E paar Johr dann späder –
Der Papp wor nit mih do –
Jing ich met minge Pänz elans
Wo ich ald fröher wor

Dat Jeschäf vun domols
Stund immer noch om Platz
Ich han dann die Jeschich verzallt
Wat jän jehat der Papp

Ich woß jenau, dä Quetschenbüggel
Dat wor singe Draum
Met Trone en de Aure
Soh hä us wie ne draurije Clown

Hä hätt se jän jehat – die Quetsch
Einmal spille drop, ach dat wör nit schlääch
Hä hätt alles doför jejovve, sujar et letzte Hemb
Hä stund do vör dem Finster wie e Kind

Text: Gerold Ulbrich
Musik: Gerold Ulbrich
Erscheinungsjahr: 2006