Der Wecker klingelt morjens wie bestuss
Ald halver Aach un ich muss erus
Av op de Arbeid jeit et dann
Bes ovends ston ich do minge Mann
Doch mänchmol froch ich mich: „Woröm?“
Su e Levve brengk mich doch noch öm
Doch av en et Bett, de Aure zo
Em Draum winnichstens han ich ming Rauh
Am nöchste Daach dann dat selve Spell
Ich maach, wat ich muss, nit wat ich well
Un su langsam rauch mer och der Kopp
De Arbeid, die mäht mich noch beklopp
Ich rof ens flöck ming Fründe an
En Party starte mir spontan
Un jeder hät jet metjebraht
Un dat Kölsch steit och parat
Mer fiere nit nor Karneval
Mer fiere off un üvverall
Mer fiere nit nor Karneval
Der Jrund, dä es doch janz ejal
Mer fiere nit nor Karneval
Mer fiere off un üvverall
Mer fiere nit nor Karneval
Wat morje es, es uns hück ejal
Un su läuf dat Levve Daach för Daach
Noh der Arbeid kapott – na dann jode Naach
Et weed Zick, dat sich jet ändere deit
Denn för jet Neues es et nie ze spät
Doch dat Jrößte kütt jo noch
Nit nor ein Party jede Woch
Denn jetz maache mir et wohr
Die Party duurt dat janze Johr
Mer fiere nit nor Karneval
Mer fiere off un üvverall
Mer fiere nit nor Karneval
Der Jrund, dä es doch janz ejal
Mer fiere nit nor Karneval
Mer fiere off un üvverall
Mer fiere nit nor Karneval
Wat morje es, es uns hück ejal
Text: Elmar Gievers
Musik: Elmar Gievers
Erscheinungsjahr: 2008