START BAND SONGS MEDIEN KONTAKT LINKS

Ston widder op

Ston widder op, wann do jefalle bes
Jevv dir ne Trett un kumm zoröck
Mänchmol jitt et herrlich Blome un mänchmol jitt et Ress
Ston widder op, wann do jefalle bes

Do bes janz ovve un do denks: „Mir jehört de janze Welt“
Einfach alles klasse und do meins: „Wat ben ich för ne Held“
Doch jeder weiß, wie flöck dat jeit, dat mer unge litt
Raff dich dann zesamme noh jedem Höllerett

Ston widder op, wann do jefalle bes
Jevv dir ne Trett un kumm zoröck
Mänchmol jitt et herrlich Blome un mänchmol jitt et Ress
Ston widder op, wann do jefalle bes

Do schwevvs op Wolke un do jläuvs, et weed su wigger jon
Üvver alles fleje un do kanns andere nit mih verston
Doch noh jedem Hühefloch kütt der Fallermann
Loss dich dann nit hänge un pack et widder an

Ston widder op, wann do jefalle bes
Jevv dir ne Trett un kumm zoröck
Mänchmol jitt et herrlich Blome un mänchmol jitt et Ress
Ston widder op, wann do jefalle bes

Ston op, lauf wigger
Et Levve es koot
Ston op, lauf wigger
Verleer nit dinge Mot

Ston widder op, wann do jefalle bes
Jevv dir ne Trett un kumm zoröck
Mänchmol jitt et herrlich Blome un mänchmol jitt et Ress
Ston widder op, wann do jefalle bes

Text: Gerold Ulbrich
Musik: Gerold Ulbrich
Erscheinungsjahr: 2013




Ston widder op (Remix)